İRAN PREZİDENTİ QƏRBİ AZƏRBAYCAN OSTANINDA BİR SIRA SƏNAYE LAYİHƏLƏRİ AÇMIŞDIR
O, Qərbi Azərbaycan ostanında neft kimyası layihəsinin ilk işlərinə başlanması münasibətilə keçirilən mərasimdə çıxış edərək, layihənin həyata keçirilməsinin son dərəcə vacib olduğunu bildirmişdir.
Mehabad neft kimyası kompleksi İranın beş ən iri belə kompleksindən biri və Qərbi Azərbaycanda ən iri sənaye müəssisəsi olacaqdır. Bu kompleksin tikintisinə 2 trilyon 200 milyard rial və ölkənin valyuta ehtiyatlarından 200 milyon dollar məbləğində kredit ayrılmışdır. Zavod 3,5 ildən sonra isifadəyə veriləcəkdir.
Bundan başqa, Urmiya şəhərində “Aftab” yeyinti sənayesi kompleksi və 50 min ton tutumu olan elevator istifadəyə verilmişdir. Onların açılışında İran Prezidenti də iştirak etmişdir. ”Aftab” layihəsinin gerçəkləşdirilməsinə 179 milyard rial xərclənmişdir. Kompleks ildə 60 min ton süd, 12 min ton süd məhsulları və 30 min ton meyvə şirəsi istehsal etmək gücünə malikdir.
Bölmənin digər xəbərləri
