İrana Qasımova: Səməd Vurğunun poeziyası insanlarla zaman arasında canlı dialoq formasıdır
Bakı, 22 may, AZƏRTAC
AZƏRTAC Səməd Vurğun yaradıcılığının əhəmiyyəti barədə incəsənət xadimləri ilə silsilə müsahibələrini davam etdirir. Qonağımız Azərbaycan Yazıçılar Birliyinin üzvü, rejissor, ssenarist, müəllif və populyar ədəbi layihələrin təşkilatçısı şairə İrana Qasımovadır.
“Səməd Vurğunun poeziyası zamanın çərçivəsinə sığmır. Vurğun əbədi mövzular barədə yazıb: insan ləyaqəti, daxili güc və Vətənə sevgi. Məhz buna görə onun sətirləri bu gün keçmişin əks-sədası kimi deyil, bizə yönəlmiş müraciət kimi canlı səslənir. Düşünürəm ki, onun şeirlərini özləri və başqaları haqqında vacib həqiqətləri öyrənmək üçün oxuyurlar”, - deyə müsahibimiz qeyd edib.
İrana Qasımova şairin şərəfinə keçirdiyi poeziya gecəsindən də danışıb.
“Vurğun poeziyasına maraq və sevgi “İranə Qasımova ilə poeziya klassikləri” layihəm çərçivəsində Səməd Vurğunun ev-muzeyində keçirdiyim poeziya gecəsində özünü göstərdi. Həmin axşam muzey məkanı artıq sadəcə xatirə məkanı deyil, canlı bir mühitə çevrildi. Rəhbərliyin diqqəti və səmimi münasibəti sayəsində şeirlərin oxunduğu deyil, yaşandığı bir atmosfer yaratmağı bacardıq. Bu cür görüşlər Vurğuna marağın azalmadığını təsdiqləyir, çünki onun poeziyası təkcə ədəbi irs deyil, həm də insanlarla zaman arasında canlı dialoq formasıdır”, - deyə müsahibimiz vurğulayıb.
Müəllif – Anara Axundova
Bölmənin digər xəbərləri
