İranda koronavirusdan bir gündə 183 nəfər ölüb

17.07.2020 [17:20]
Çap et
A⁺ A^-

Tehran, 17 iyul, AZƏRTAC

Ötən həftə ilə müqayisədə İranda koronavirusa yoluxaraq ölənlərin sayı nisbətən azalıb.

AZƏRTAC xəbər verir ki, bu barədə məlumatı İranın Səhiyyə Nazirliyinin mətbuat katibi Səadət Sima Lari verib. O bildirib ki, son sutka ərzində İranda 2 min 379 nəfər virusa yoluxub, 183 nəfər isə vəfat edib. Bununla da İranda koronavirusa yoluxanların ümumi sayı 269 min 449 nəfərə, ölənlərin sayı isə 13 min 791-ə çatıb. Xüsusi xəstəxanalarda müalicə alan 232 min 873 nəfər sağalaraq evə buraxılıb. İntensiv terapiya şöbələrində müalicəsini davam etdirən 3 min 509 nəfərin vəziyyəti isə ağır olaraq qalır.

Mətbuat katibi onu da nəzərə çatdırıb ki, İranda tibbi maskadan istifadə məcburi olduğu üçün maska istehsalı gündəlik 6 milyona çatdırılıb.

Rabil Kətanov

AZƏRTAC-ın xüsusi müxbiri

Tehran