İRANIN TƏHLÜKƏSİZLİK ŞURASI ATOM BOMBASI İSTEHSALINI İNKAR EDİR
AZƏRTAC xəbər verir ki, RİA “Novosti” agentliyinin yaydığı məlumata görə, İranın Ali Milli Təhlükəsizlik Şurasının katibi Həsən Ruhani bir daha bildirmişdir ki, İslam Respublikası atom bombası yaratmaq niyyətində deyildir. O demişdir: ”Ötən il bütün dünyaya sübut olundu ki, ABŞ-ın Tehranın nüvə silahı yaratmaq niyyətində olması ilə bağlı iddiaları yanlışdır. Çünki biz heç vaxt atom bombası yaratmaq niyyətində olmamışıq. İş o yerə çatmışdır ki, ABŞ indi də İranın atomdan dinc məqsədlərlə istifadəsinə qadağa qoyur. Lakin atom enerjisindən dinc məqsədlərlə istifadə etmək bizim qanuni hüququmuzdur və bundan geri çəkilməyəcəyik. ABŞ-ın İrana qarşı bütün ittihamları, təhdidləri və sanksiyaları İslam Respublikasının dinc təyinatlı qabaqcıl texnologiyaya sahib olması əleyhinə yönəldilmişdir”.
Bölmənin digər xəbərləri
