İRAQDA 64 AVSTRALİYALI İLƏ ƏLAQƏ KƏSİLMİŞDİR
AZƏRTAC-ın Sinxua agentliyindən aldığı xəbərə görə, İraq yaraqlılarının iki Avstraliya vətəndaşını girov götürməsi barədə məlumat yayıldıqdan sonra ölkə hökuməti dərhal İraqdakı vətəndaşlarının sayını dəqiqləşdirmişdir. Avstraliya XİN-in başçısı Aleksander Dauner bildirmişdir ki, daha 64 avstraliyalı ilə də əlaqə kəsilmişdir. O demişdir ki, ən son məlumata görə, Avstraliyanın İraqdakı səfirliyinin siyahısında 154 nəfərin adı var. Səfirlik 90 nəfərlə əlaqə saxlayır və onlar təhlükəsiz yerdədir, lakin 64 avstraliyalı barədə heç bir məlumat yoxdur.
Avstraliya səfirliyi İraq mühafizə orqanları ilə əlaqə saxlamışdır. Nazirin sözlərinə görə, “səfirliyə Avstraliya vətəndaşlarının oğurlanması barədə heç bir informasiya daxil olmamışdır”.
