İRAQLI “PAVLİK MOROZOV”
İraqlı “Pavlik” hazırda Birləşmiş Ştatlardadır. Onun adı hələlik açıqlanmır. Qəzet yazır ki, ötən ilin dekabrında o, amerikalıların yanına gələrək, demişdir ki, atası onu koalisiya qüvvələrinə silahlı basqınlara qoşulmağa məcbur edir. Bundan sonra onun atasını həbsə almışlar, anasını isə tezliklə naməlum şəxslər öldürmüşlər. İndi xüsusi xidmət idarələrinin mütəxəssisləri oğlandan əlavə məlumat almağa çalışırlar. Onun özü isə ABŞ ordusunda xidmət etmək arzusundadır. İraqlı “Pavlik”ə yardım üçün xüsusi fondda yaradılmışdır.
Xatırladaq ki, rusiyalı Pavlik Morozov ötən əsrin 30-cu illərinin əvvəlində taxılı gizlədən qolçomaq atasından çuğulluq etmişdi. Bundan sonra onun var-dövlətini əlindən almış, özünü isə həbs düşərgəsinə göndərmişdilər. Bunun intiqamını almaq üçün babası Pavliki və qardaşını öldürmüşdü.
Bölmənin digər xəbərləri
