İRAQLILARA İŞGƏNCƏLƏR VERMİŞ ABŞ HƏRBÇİSİNƏ 8 AY HƏBS CƏZASI KƏSİLMİŞDİR

12.09.2004 [00:31]
Çap et
A⁺ A^-

AZƏRTAC Bi-Bi-Si-yə istinadla xəbər verir ki, Bağdadın “Əbu Qreyb” həbsxanasında iraqlı məhbuslar üzərində təhqiramiz əməllərdə təqsirləndirilən ABŞ hərbi qulluqçusuna 8 ay həbs cəzası kəsilmişdir.

İraqda hərbi kəşfiyyatda xidmət keçmiş amerikalı Armin Kruz Bağdadda hərbi tribunalın iclasında təqsirli olduğunu boynuna almışdır.

O, həbsxanada cəzasını çəkdikdən sonra rütbədə alçaldılacaq və silahlı qüvvələrdən kənarlaşdırılacaqdır. Hərbi kəşfiyyat zabiti belə rüsvayçılıqda ilk dəfədir ittiham edilir. Bundan əvvəl bir neçə amerikalı əsgər hərbi tribunal qarşısında cavab vermişdi, lakin onda söhbət “hərbi polis”dən gedirdi.

Texas ştatından olan 24 yaşlı Kruzu bu ilin aprelində mətbuat səhifələrində dərc edilmiş fotoşəkillərdən birində tanımışlar. Onun vəkili demişdir ki, Kruz öz əməllərinə görə bütün məsuliyyəti üzərinə götürür və buna görə peşmançılıq çəkir.

İRAQLILARA İŞGƏNCƏLƏR VERMİŞ ABŞ HƏRBÇİSİNƏ 8 AY HƏBS CƏZASI KƏSİLMİŞDİR

MÜƏLLİFLƏ ƏLAQƏ

Bölmənin digər xəbərləri