İRƏVAN AZƏRBAYCAN DÖVLƏT DRAM TEATRI QASTROL SƏFƏRİNƏ HAZIRLAŞIR
Kollektiv Şəki teatrsevərlərinə şair-dramaturq Hidayətin “Durnalar qayıdanda” əsəri əsasında rejissor, əməkdar artist Vaqif Əsədovun quruluş verdiyi eyni adlı tamaşanı təqdim edəcəkdir. Sovet dövründə istedadlı, yeniliyə can atan gənc jurnalistin iş yerində ona qarşı qəsdən yaradılmış çətinliklərdən bəhs edən əsərdə əsas rollarda xalq artisti Arif Quliyev, əməkdar artistlər Elmira İsmayılova, Bürcəli Əsgərov, Vidadi Əliyev, Süleyman Nəcəfov və başqaları oynayacaqlar.
Ağcabədi, Tərtər, İmişli sakinlərinə isə Marat Haqverdiyevin əsəri əsasında əməkdar artist Vidadi Əliyevin quruluşunda “Qısqanc ürəklər” tamaşası göstəriləcəkdir.
Bölmənin digər xəbərləri
