İslam İnkişaf Bankı Qrupu Azərbaycana süni intellektlə bağlı maliyyə dəstəyi verməyə hazırdır
Bakı, 7 may, AZƏRTAC
İslam İnkişaf Bankı Qrupu (IsDB) olaraq Azərbaycana süni intellektlə bağlı maliyyə nöqteyi-nəzərindən dəstək verməyə hazırıq.
AZƏRTAC xəbər verir ki, bu barədə jurnalistlərə açıqlaması zamanı İnvestisiya və İxrac Kreditlərinin Sığortalanması üzrə İslam Korporasiyasının (ICIEC) Biznesin İnkişafı Departamentinin direktoru Yasser Alaki deyib.
“Süni intellekt təkcə Azərbaycanda deyil, bütün dünyada vacibdir. Bu, hər kəs üçün yeni bir şeydir. Hamımız birlikdə nələr edə biləcəyimizi araşdırmağa çalışırıq. Əgər Azərbaycan şirkətləri süni intellektlə bağlı bəzi təşəbbüslər və ya proqramlar üzərində işləyirlərsə, biz maliyyə nöqteyi-nəzərindən dəstək verməyə hazırıq. Bizim həm də məqsədimiz Azərbaycan şirkətlərinə öz məhsullarını xaricə ixrac etməkdə kömək etmək, investisiya cəlb etmək, ölkəyə dövriyyə kapitalı cəlb etmək, maliyyə və biznes fəaliyyətlərini dəstəkləmək üçün Azərbaycan banklarına da kömək etməkdir. İslam İnkişaf Bankı Qrupu Azərbaycan şirkətlərinə kredit sığortasından tutmuş ticarətin və layihələrin maliyyələşdirilməsinə qədər geniş xidmətlər spektrini təqdim edir”, - deyə Y.Alaki qeyd edib.
Bölmənin digər xəbərləri
