İslamabadda Türkiyə Prezidenti və Pakistanın Baş naziri arasında danışıqlar aparılıb

13.02.2025 [14:46]
Çap et
A⁺ A^-

Ankara, 13 fevral, AZƏRTAC

Türkiyə Prezidenti Rəcəb Tayyib Ərdoğan Pakistana rəsmi səfəri çərçivəsində bu ölkənin Baş naziri Şahbaz Şəriflə görüşüb.

AZƏRTAC xəbər verir ki, görüşdə Türkiyə tərəfindən xarici işlər naziri Hakan Fidan, energetika və təbii ehtiyatlar naziri Alparslan Bayraktar, milli müdafiə naziri Yaşar Güler, sənaye və texnologiyalar naziri Mehmet Fatih Kacir və digər rəsmi şəxslər iştirak ediblər.

Danışıqlardan əvvəl Türkiyə Prezidentinin rəsmi qarşılanma mərasimi olub.

Rəcəb Tayyib Ərdoğan Pakistan Baş nazirinin iqamətgahının ərazisində ağac əkib.

Türkiyə Prezidenti Asiya ölkələrinə səfəri çərçivəsində Pakistana gəlib. O, bundan əvvəl Malayziya və İndoneziyada danışıqlar aparıb.

Ramin Abdullayev

AZƏRTAC-ın xüsusi müxbiri

Ankara