İsmayıllı sakinindən narkotik vasitə və odlu silah götürülüb
İsmayıllı, 13 fevral, AZƏRTAC
İsmayıllı sakinindən narkotik vasitə və odlu silah götürülüb.
AZƏRTAC-ın bölgə müxbiri xəbər verir ki, rayon polis şöbəsinin əməkdaşları tərəfindən keçirilən əməliyyat-axtarış tədbirləri nəticəsində Topçu kənd sakini Elşən Hüseynov şübhəli şəxs qismində saxlanılıb. Kənd ərazisində yaşadığı ünvana baxış keçirilən zaman şüşə və plastik qablarda 1 kiloqram 300 qrama yaxın qurudulmuş marixuana, habelə müvafiq sənədləri olmayan, qanunsuz saxladığı “İJ” markalı ov tüfəngi və həmin silaha aid 10 ədəd patron aşkar edilərək götürülüb. Faktla bağlı İsmayıllı Rayon Polis Şöbəsində cinayət işi başlanılıb, istintaq-əməliyyat tədbirləri davam etdirilir.
Bölmənin digər xəbərləri
