İspaniya Cüdo Federasiyasının idman direktoru:Dünya çempionatının Bakıda əla təşkil olunacağına inanıram
Bakı, 10 sentyabr, AZƏRTAC
Cüdoçularımız xeyli vaxtdır dünya çempionatına hazırlaşırlar. Onlar texniki və taktiki baxımdan çox yaxşı toplanış keçiblər. Hər birinin məqsədi dünya çempionatında medal qazanmaqdır.
AZƏRTAC xəbər verir ki, bunu İspaniya Cüdo Federasiyasının idman direktoru Sara Alvarez Menendez Bakıda keçiriləcək dünya çempionatı haqqında danışarkən deyib. O, bütün çəki dərəcələrində medal qazanmağa çalışacaqlarını vurğulayıb: “Bu, çətin olsa da, mümkünsüz deyil. Milli komandamızın hər bir üzvü mənim sevimlimdir. Ona görə də konkret kimlərdən medal gözlədiyimi söyləyə bilmərəm”.
Azərbaycan cüdo millisinin güclü rəqiblərdən olduğunu vurğulayan Sara Alvarez Menendez deyib: “Azərbaycan cüdoçularının əksəriyyəti güclüdür. Çempionata gəldikdə isə, digər dünya çempionatları kimi, bu yarışın da Bakıda əla təşkil olunacağına inanıram”.
Qeyd edək ki, cüdo üzrə dünya çempionatı sentyabrın 20-27-də Milli Gimnastika Arenasında təşkil olunacaq.
Bölmənin digər xəbərləri
