İSPANİYANIN BAŞ NAZİRİ İRAQDAKI VƏZİYYƏTDƏN NARAHATDIR

10.09.2004 [20:18]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, İspaniyanın Baş naziri Xose Luis Rodriges Sapatero İraqda yaranmış vəziyyətdən narahat olduğunu bildirmişdir. Onun fikrincə, bütün ölkələr İspaniyadan nümunə götürməli və qoşunlarını İraqdan çıxarmalıdır. Ancaq bu halda İraq böhranını nizama salmaq perspektivləri daha əlverişli olar.

Tunisdə səfərdə olan İspaniya hökumətinin başçısı demişdir: “Mən qoşunları İraqda olan bütün ölkələrin mövqelərinə hörmətlə yanaşıram, amma qoşunların bu ölkədən çıxarılması haqqında qərarlar çox olsaydı, nizamasalma perspektivləri daha əlverişli olardı”.

X.Sapatero vurğulamışdır ki, İspaniya qoşunlarının İraqdan çıxarılmasından müəyyən müddət keçdikdən sonra bu qərarın düzgünlüyünə və ispanların əksəriyyətinin istəyinə cavab verdiyinə qəti əmin olmuşdur.

İSPANİYANIN BAŞ NAZİRİ İRAQDAKI VƏZİYYƏTDƏN NARAHATDIR

MÜƏLLİFLƏ ƏLAQƏ

Bölmənin digər xəbərləri