İsraildə Xocalı soyqırımına həsr olunmuş anma mərasimi keçiriləcəkdir
Bakı, 22 fevral (AZƏRTAC). Azərbaycan Respublikası Milli Məclisinin deputatı Fuad Muradov Təl-Əvivdə Xocalı soyqırımının 22-ci ildönümünə həsr olunmuş anma mərasimində iştirak etmək üçün fevralın 23-24-də İsraildə səfərdə olacaqdır.
Milli Məclisin mətbuat xidmətindən AZƏRTAC-a bildirmişlər ki, mərasim Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən “Xocalıya ədalət!” kampaniyası çərçivəsində İsrail Dostluq Cəmiyyəti tərəfindən təşkil edilir.
Tədbirdə Xocalı qətliamı zamanı həlak olan insanların xatirəsi anılacaq, orada törədilən vəhşiliklər haqqında həqiqətlər, bu dəhşətli hadisələrin Azərbaycan xalqına qarşı soyqırımı aktı kimi tanınması istiqamətində dövlətimizin həyata keçirdiyi məqsədyönlü fəaliyyət barədə məlumat veriləcəkdir.
Bölmənin digər xəbərləri
