İstanbul hava limanının üçüncü uçuş-enmə zolağı istifadəyə veriləcək

12.06.2020 [18:20]
Çap et
A⁺ A^-

İstanbul, 12 iyun, AZƏRTAC

İyunun 14-dən etibarən dünyanın ən böyük aeroportlarından biri olan İstanbul hava limanının üçüncü uçuş-enmə zolağı istifadəyə veriləcək.

AZƏRTAC xəbər verir ki, bu barədə Türkiyənin Nəqliyyat və İnfrastruktur naziri Adil Karaismailoğlu deyib.

İyunun 14-dən etibarən İstanbul hava limanının 3 müstəqil və 5 əməliyyat uçuş-enmə zolağının olacağını bildirən nazir hər 3 zolaqda eyni anda eniş və uçuşların həyata keçirilməsinin dünyanın öndə gedən aeroportlarında olduğunu vurğulayıb.

A.Karaismailoğlu bu zolağın istifadəyə verilməsi ilə aeroportda təyyarələrin gecikmədən və ya sıra gözləmədən hərəkət edə biləcəyini, saatlıq eniş və uçuşların 50 faizədək artacağını bildirib.

Günel Məlikova

AZƏRTAC-ın xüsusi müxbiri

İstanbul