İSTEHSALIN YENİ, MÜTƏRƏQQİ TEXNOLOGİYASI HAZIRLANMIŞDIR
İnstitutun direktoru, Beynəlxalq Geoekologiya Akademiyasının həqiqi üzvü Mirhəmid Məmmədov AZƏRTAC-ın müxbirinə demişdir:
-Alüminium istehsalının yeni texnologiyasını hazırlayarkən qarşımıza bir neçə məqsəd qoymuşduq. Müəssisə respublikaya kənardan gətirilən və baha başa gələn boksiddən istifadə edir. Biz həmin xammalın əvəzinə, Daşkəsən rayonunda zəngin ehtiyatı olan alunitdən istifadə olunmasını təklif edirik. Müəssisə əvvəllər də bu xammalla işləmişdir.
Eyni zamanda, alunitin nəm üsulu ilə emalı məqsədəuyğundur. Alunitin üyüdülüb sobalarda yandırılması qiymətli xammalın itkisinə və ətraf mühitin çirklənməsinə səbəb olur. Yandırılma prosesinin ləğvi yanacaq-enerji ehtiyatlarına qənaət etməyə, alüminium oksidinin maya dəyərini əhəmiyyətli dərəcədə aşağı salmağa imkan verər.
Yeni texnologiya ilə bağlı bütün sənədləri Gəncə gil-torpaq kombinatını idarəetməyə götürmüş Hollandiyanın “Fondel metal” şirkətinin rəhbərliyinə təqdim etmişik.
Bölmənin digər xəbərləri
