İTALİYA MÜSƏLMANLARI ROMA PAPASININ SƏHHƏTİNİN YAXŞILAŞMASI ÜÇÜN DUA EDİRLƏR
AZƏRTAC xarici informasiya agentliklərinə istinadla xəbər verir ki, İtaliya müsəlmanları cümə namazı zamanı yaxın günlərdə xəstələnmiş Roma Papası II İohann Pavelin səhhətinin yaxşılaşması üçün dua etmişlər. Neapolun imamı Abdulla Ömərin bu təklifini Sienanın müsəlman icmasının rəhbəri Feras Cabarin də dəstəkləmişdir. Onlar dindaşlarını bu dahi insana ehtiram göstərməyə çağırmışlar.
Liquriyanın islam icmasının lideri imam Zərgər Zühur cümə moizəsində Roma Papasının səhhəti barədə məlumat vermiş və onun sülhməramlı əməllərindən, yoxsullara yardım göstərməsindən danışmışdır. Moizədən sonra müsəlmanlar Roma katolik kilsəsi başçısının tezliklə sağalması üçün dua etmişlər.
Bölmənin digər xəbərləri
