İtaliyada “Ermənistan ilə Azərbaycan arasında münaqişə: tarix, hüquq, danışıqlar” kitabı çapdan çıxıb
Roma, 12 oktyabr, AZƏRTAC
Azərbaycanlı diplomatlar, BMT, ATƏT və Avropa İttifaqı kimi beynəlxalq təşkilatlarda çalışmış ekspertlər İlqar Məmmədov və Tofiq Musayevin İtaliyada həmmüəllifləri olduqları “Ermənistan ilə Azərbaycan arasında münaqişə: tarix, hüquq, danışıqlar” kitabı çapdan çıxıb.
Genişləndirilmiş variantda ikinci dəfə çapdan çıxan nəşr İtaliya ictimaiyyətini, xüsusilə tarixçiləri, diplomatları, siyasətçiləri və hüquqşünasları uzun illər davam edən münaqişənin tarixi və hüquqi aspektləri, problemin həlli istiqamətində aparılan danışıqlar prosesi ilə tanış etmək baxımından mühüm əhəmiyyət kəsb edir. Tarixi faktlar, hüquqi sənədlər, xarici ekspertlərin tədqiqatları əsasında hazırlanmış kitab tarix, hüquq, danışıqlar bölmələrindən ibarətdir. Nəşrə, həmçinin münaqişə ilə bağlı müxtəlif məqamları əks etdirən xəritələr də əlavə olunub.
Maqsud Dadaşov
AZƏRTAC-ın xüsusi müxbiri
Roma
Bölmənin digər xəbərləri
