İTALYAN DİZAYNERLƏRİ NAMAZ ÜÇÜN CİNSİLƏR TİKMİŞLƏR

27.03.2006 [18:54]
Çap et
A⁺ A^-

AZƏRTAC Assoşieyted Press agentliyinə istinadla xəbər verir ki, İtaliyanın “Əl Qüds” şirkəti namaz üçün xüsusi cinsilər hazırlamışdır. İbadət zamanı narahatlıq yaratmamaq üçün və beldən boş olan şalvarda saat və digər xırda əşyaları qoymağa çoxlu çib var. Bundan əlavə, cinsinin tikişləri müsəlmanların müqəddəs saydıqları yaşıl rəngdədir.

“Əl Qüds”ün nümayəndələri bildirmişlər ki, bir il ərzində müxtəlif cinsi modelləri sınaqdan keçirilmiş və nəticədə ən rahat şalvar hazırlanmışdır.

Cinsilərin dizayneri Lyuka Korradi demişdir ki, onun dostu qəzetdəki şəkildə namaz qılan müsəlmanların əksəriyyətinin cinsi şalvarda olduğunu görəndən sonra bu fikrə gəlmişdir.

Namaz üçün cinsi şalvarlar tikilən fabrik Pakistanda yerləşir. “Əl Qüds”ün nümayəndəsi demişdir: “Bu, müsəlmanlar üçün nəzərdə tutulmuş ilk məxsusi paltardır, buna görə də müsəlmanların əlləri ilə tikilməlidir”.

Gələcəkdə “Əl Qüds” cinsi şalvarları Avropanın hər yerində 30 dollara satmağı nəzərdə tutur.

Şirkətin adı Qüds şəhərinin adından götürülmüşdür.