İXRAC NƏZARƏTİNİ GÜCLƏNDİRMƏK ÜÇÜN BİR SIRA MÜHÜM TƏDBİRLƏR GÖRÜLMƏLİDİR
Bu sözləri Beynəlxalq ticarətin təhlükəsizliyi mərkəzinin eksperti Fuad Məhərrəmov AZƏRTAC-ın müxbiri ilə söhbətində demişdir. Ekspertin fikrinə görə, bu qanunun qəbulundan sonra Gömrük Məcəlləsinə əlavə və dəyişikliklər edilməli, sərhəd nəzarəti xidməti gücləndirilməlidir. Bu gün Azərbaycan Respublikası ərazisində çalışan, eləcə də ölkəmizdən tranzit məqsədlərlə istifadə edən bəzi xarici şirkətlər gətirdikləri bir sıra zərərli maddələrdən istifadə etdikdən sonra, hətta, onları kiməsə bağışlayırlar. Bunun qarşısını almaq üçün də gömrük və sərhəd xidmətlərinə xüsusi səlahiyyətlər və malların ekspertizası üçün lisenziyalar verilməlidir. Bundan başqa, köməkçi normativ hüquqi aktlar qəbul olunmalı və digər təxirəsalınmaz tədbirlər görülməlidir.
Bölmənin digər xəbərləri
