Kanadanın Baş naziri istefa verir
Bakı, 6 yanvar, AZƏRTAC
Kanadanın Baş naziri Castin Trüdo Liberal Partiyasının liderliyindən istefa verəcək.
AZƏRTAC-ın məlumatına görə, bu barədə Kanada mediası yazıb. Trüdonun dərhal gedəcəyi, yoxsa yeni lider seçilənə qədər Baş nazir vəzifəsində qalacağı hələlik məlum deyil. O, 2013-cü ildə partiyanın dərin problem içində olduğu və ilk dəfə parlamentin aşağı palatası olan İcmalar Palatasında üçüncü yerə düşdüyü vaxtda Liberal Partiyasının lideri vəzifəsini tutub.
Aparılan sorğuya əsasən, oktyabrın sonuna qədər keçirilməsi planlaşdırılan seçkidə liberallar mühafizəkarlara böyük fərqlə uduzacaq.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
