KAPİTAL BAZARININ İNKİŞAFI VƏ TƏNZİMLƏNMƏSİ MÖVZUSUNDA BEYNƏLXALQ SEMİNAR BAŞA ÇATMIŞDIR
AZƏRTAC-ın müxbiri xəbər verir ki, Beynəlxalq Valyuta Fondunun (BVF) dövlət borcunun idarə olunması üzrə Regional Texniki Yardım layihəsinin və BMT-nin təhsil və elmi tədqiqatlar üzrə İnstitutunun (UNİTAR) birgə təşəbbüsü ilə aprelin 19-23-də keçirilmiş seminarda iştirakçılar “dəyirmi masa” ətrafında kapital bazarının kompleks anlayışı haqqında vacib əməli biliklər qazanmış, milli səviyyədə daxili borcun fəal idarə edilməsi məsələlərini müzakirə etmiş, diskussiya aparmış, kapital bazarına təsir edən amilləri öyrənmişlər. BVF-nin məsləhətçisi, qurumun dövlət borcunun idarə olunması üzrə Regional Texniki Yardım Layihəsinin əlaqələndiricisi Qolam Azərbaycani, maliyyə nazirinin birinci müavini İlqar Fətizadə, BMT Baş katibinin köməkçisi, UNİTAR-ın icraçı direktoru Marselo Boysard, Meksikanın Anaxuak Universitetinin professoru, UNİTAR-ın əməkdaşı Luis Fonserada, BVF-nin Azərbaycan Respublikasında daimi nümayəndəsi Bazil Zaboyko, BVF-nin məsləhətçisi Anil Bisen (Tacikistan), Özbəkistan Respublikası Maliyyə Nazirliyinin aparıcı iqtisadçısı Aziz Taşev, Azərbaycan Respublikası Milli Bankının aparıcı iqtisadçısı Təranə Əlirzayeva və başqalarının kapital bazarının xüsusiyyətləri, sərmayə fəaliyyəti, biznesin modernləşməsi, dövlət borcunun idarə olunması, maliyyə problemləri, Meksika təcrübəsi, Azərbaycanda neft gəlirləri, kredit-pul siyasəti və digər mövzularda məruzələri diqqətlə dinlənilmiş və böyük maraqla qarşılanmışdır.
Bölmənin digər xəbərləri
