İQTİSADİYYAT
Kazanda “Rusiya-İslam dünyası” XIV Beynəlxalq İqtisadi Forumu keçiriləcək
Bakı, 15 may, AZƏRTAC
İki dəfə sürətli və 15-30 dəfə çox konteyner çatdırılması - Rusiya və Avrasiya ölkələri "Şimal - Cənub" beynəlxalq nəqliyyat dəhlizinin genişmiqyaslı inkişafını planlaşdırırlar. Layihə Asiya, Fars körfəzi, Şərqi Afrika dövlətlərini əhatə edə və dünya logistikasını dəyişdirə bilər.
AZƏRTAC Rusiya-İslam Dünyası Beynəlxalq İqtisadi Forumuna istinadla xəbər verir ki, bu mövzu mayın 18-də Rusiyanın Kazan şəhərində keçirilən "Rusiya-İslam dünyası: KazanForum 2023” XIV Beynəlxalq İqtisadi Forumunda müzakirə olunacaq. Tədbir 72 ölkənin nümayəndələrini bir araya gətirəcək. Forumun məqsədi Rusiya Federasiyasının regionları ilə 57 dövlətin daxil olduğu İslam Əməkdaşlıq Təşkilatı ölkələri arasında ticarət-iqtisadi, elmi-texniki, təhsil, sosial və mədəni əlaqələri gücləndirməkdir. “KazanForum 2023” proqramına 140-dan çox sessiya ilə yanaşı, iki yüzə yaxın tədbir daxildir. Ekspert müzakirələrinin mövzuları bunlardır: İslam maliyyəsi, Halal sənaye, beynəlxalq əməkdaşlıq, logistika, sənaye, davamlı inkişaf və ESG, İT texnologiyaları, innovasiyalar, investisiyalar, gənclərin sahibkarlığı, kiçik və orta biznes, təhsil, tibb, idman və s.
Qeyd edək ki, İslam iqtisadiyyatı nəzərəçarpacaq dərəcədə böyüyür - aktivlərinin ümumi həcmi artıq 3,5 trilyon dolları keçib. 20 milyon müsəlmanın yaşadığı və İslam ölkələrindən idxalın doldura biləcəyi boşluqların meydana çıxdığı Rusiya ilə ticarətin inkişafı yeni imkanlar açır. Artıq bir çox şirkətlər "Şimal" istiqamətindən fəal şəkildə istifadə edirlər - İslam Əməkdaşlıq Təşkilatı ölkələrinin Rusiya regionları ilə ticarət dövriyyəsi son üç ildə demək olar ki, 30 faiz artaraq 100 milyard dolları ötüb. Rusiya Federasiyasının İslam ölkələrinə, o cümlədən halal məhsulların ixrac imkanları da genişlənir. Perspektivlər kənd təsərrüfatı sektorunda, IT sənayesində, energetikada və sənayedə əməkdaşlığının inkişafındadır.
“Rusiya - İslam Dünyası: KazanForum” Beynəlxalq İqtisadi Forumu Rusiya ilə İslam dünyası ölkələri arasında işgüzar qarşılıqlı fəaliyyət üçün əsas platformadır. Forumun məqsədi Rusiya Federasiyasının regionları ilə 57 dövlətin daxil olduğu İslam Əməkdaşlıq Təşkilatı ölkələri arasında ticarət-iqtisadi, elmi-texniki, təhsil, sosial və mədəni əlaqələri gücləndirməkdir.