Kənd təsərrüfatı naziri Məcnun Məmmədov Kəlbəcərdə vətəndaşları qəbul edəcək
Bakı, 15 iyul, AZƏRTAC
Kənd təsərrüfatı naziri Məcnun Məmmədov iyulun 20-də saat 09:00-da Kəlbəcərdə Kəlbəcər və Laçın rayonlarından olan vətəndaşları qəbul edəcək.
Nazirliyin İctimaiyyətlə əlaqələr və informasiya təminatı şöbəsindən AZƏRTAC-a bildirilib ki, qəbul zamanı bu rayonlardan olan vətəndaşların Kənd Təsərrüfatı Nazirliyinin səlahiyyət dairəsinə aid məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaş qəbulunda iştirak etmək istəyən Kəlbəcər və Laçın rayonlarının sakinləri Kəlbəcər DAİM-ə (055-379-74-44) müraciət edə bilərlər. Qəbula yazılmaq üçün, həmçinin Kənd Təsərrüfatı Nazirliyinin Çağrı Mərkəzinə zəng etməklə (1652) qeydiyyatdan keçmək olar.
Qəbula gələn vətəndaşlar mütləq əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.
Bölmənin digər xəbərləri
