Kimyaçı alimlər metabolik enzimlərin yeni nəsil inhibitorlarını yaradıblar
Bakı, 11 may, AZƏRTAC
Elm və Təhsil Nazirliyi Aşqarlar Kimyası İnstitutu və Polimer Materialları İnstitutunun alimlərinin türk həmkarları ilə birgə apardıqları beynəlxalq müştərək tədqiqatlar nəticəsində metabolik enzimlərin yeni nəsil inhibitorları alınıb.
Aşqarlar Kimyası İnstitutundan AZƏRTAC-a bildirilib ki, sintez olunan yeni birləşmələrin bəzi metabolik fermentlər üzrə inhibitor fəallığı araşdırılıb və standart dərman maddələri ilə müqayisə edilib.
Məlumatda deyilir ki, molekulyar dokinq simulyasiyaları vasitəsilə bioloji təsirləri öyrənilən yeni inhibitorların metaloenzimlərin standart birləşmə kimi akarboza ilə üstün keyfiyyət göstəricilərinə malik olduğu təsdiqlənib. Onlardan gələcəkdə patoloji proseslərə qarşı potensial dərman maddəsi kimi istifadə edilə bilər.
Alimlərimiz tərəfindən müfəssəl şəkildə aparılmış tədqiqatın nəticələri “ChemistrySelect” jurnalında dərc edilib.
Qeyd edək ki, “Wiley” nəşriyyatının “Web of science” bazasında arxivləşən bu jurnalın impakt faktoru 2.307-dir.
Bölmənin digər xəbərləri
