KİYEV MİLLİ UNİVERSİTETİ 170 İLLİYİNİ QEYD EDİR
Universitetin rektoru, Milli Elmlər Akademiyasının və Pedaqoji Elmlər Akademiyasının akademiki, kimya elmləri doktoru, professor Viktor Skopenko indiyədək 300 mindən çox mütəxəssis hazırlanmasını bu ali məktəbin başlıca nailiyyəti sayır.
1834-cü ildə universitet fəlsəfə fakültəsinə ilk 62 tələbəni qəbul etmişdir. İndi isə onun 14 fakültəsində və 5 institutunda 75 ixtisas və 157 ixtisaslaşma üzrə 20 mindən artıq tələbə, o cümlədən 1,5 min əcnəbi tələbə, 1600 aspirant oxuyur və yenidən hazırlıq keçir. Universitetdə 2 mindən çox müəllim işləyir ki, onların da 82 faizinin elmi dərəcəsi var, təxminən 500 nəfəri professordur.
Ukraynanın aparıcı ali məktəbinin rektorunu, bir alim kimi, ölkədə həddindən çox özəl ali təhsil müəssisəsinin olması narahat edir. V.Skopenkonun fikrincə, onlar ali təhsil haqqında diplomu dəyərdən salır, çünki əksəriyyətinin müvafiq maddi-texniki və elmi bazası, yüksək ixtisaslı müəllim kadrları yoxdur. Bu gün Ukraynada fəaliyyət göstərən 130 özəl ali məktəbin təqribən 10-da bir hissəsini saxlamaq lazımdır. O, Almaniyanı misal göstərərək demişdir ki, bu ölkədə cəmi 6 özəl ali məktəb var.
Bölmənin digər xəbərləri
