KOMSOMOLSK-AMURDA YAŞAYAN MÜSƏLMANLAR BESLANDA ZƏRƏR ÇƏKƏNLƏR ÜÇÜN QAN VERİRLƏR
AZƏRTAC Müstəqil İslam Agentliyinə istinadla xəbər verir ki, Komsomolsk-Amur şəhərinin müsəlman mərkəzində Şimali-Osetiyanın Beslan şəhərində zərər çəkənlər üçün qanvermə tədbiri keçirilmişdir. “Mərifət” mərkəzinin sədri Rüstəm Abdulin demişdir: “Ölkəmizdə günahsız adamların qanının töküldüyü bir vaxtda biz kənarda dura bilmərik. Müsəlmanlar “bəlayla üzləşmiş” həmvətənlərinə kömək etməyə borcludurlar”.
Beslanda orta məktəbin tutulmasından dərhal sonra şəhərin müsəlman ictimaiyyəti terrorçuların hərəkətini qəzetlərdə qətiyyətlə pisləmişdir. Bu cür çıxışlar cümə namazlarında da səslənmişdir.
