KONSTİTUSİYA MƏHKƏMƏSİNİN SƏDRİ XANLAR HACIYEV ALMANİYAYA YOLA DÜŞMÜŞDÜR
Martın 10-da Konstitusiya Məhkəməsinin sədri Xanlar Hacıyev Almaniya Federativ Respublikasına rəsmi səfərə yola düşmüşdür.
Konstitusiya Məhkəməsindən AZƏRTAC-ın müxbirinə demişlər ki, səfər Almaniya Texniki Əməkdaşlıq Cəmiyyətinin “Məhkəmə və hüquq islahatları” layihəsi çərçivəsində həyata keçirilir.
Səfərdən əsas məqsəd Azərbaycan Konstitusiya Məhkəməsi ilə Almaniya Federal Konstitusiya Məhkəməsi arasında əməkdaşlıq münasibətlərinin qurulması və inkişaf etdirilməsidir. Səfər müddətində Xanlar Hacıyev Federal Konstitusiya Məhkəməsinin sədri cənab Hans-Yurgen Papierlə və hakimlərlə, AFR-in Baden-Vütenberq Federal Torpağının Konstitusiya Məhkəməsində, parlamentdə, Nazirlər Kabinetində və Ədliyyə Nazirliyində görüşlər keçirəcəkdir.
Səfər martın 13-də başa çatacaqdır.
Bölmənin digər xəbərləri
