KOOPERASİYA UNİVERSİTETİNDƏ 31 MART QURBANLARININ XATİRƏSİ ANILMIŞDIR
Universitetin rektoru, professor Eldar Zülfüqarlı xain qonşularımızın uzun illər boyu xalqımıza qarşı məkrli siyasətindən danışmışdır. Qeyd olunmuşdur ki, erməni daşnakları Azərbaycan torpaqlarında zaman-zaman törətdikləri cinayətləri ört-basdır etmək üçün əvvəlcədən ideoloji zəmin yaratmış, özlərini dünya ictimaiyyətinə “məzlum millət” kimi göstərmişlər.
Çıxış edən digər natiqlər daşnakların vəhşiliyinə dair çoxlu faktlar gətirmiş, Bakı, Şamaxı, Quba, Lənkəran, Qarabağ, Zəngəzur, İrəvan, Naxçıvan və digər bölgələrdə törətdikləri qırğınları xatırlatmışlar. Vurğulanmışdır ki, bu qanlı cinayətlərə siyasi qiymət verilməsi ümummilli liderimiz, türk dünyasının böyük oğlu Heydər Əliyevin adı ilə bağlıdır.
Bölmənin digər xəbərləri
