“KOROĞLU” TANKERİNİN MAYIN SONUNADƏK BAKI BUXTASINA GƏTİRİLƏCƏYİ GÖZLƏNİLİR
Gəmiçiliyin informasiya və mətbuat şöbəsindən AZƏRTAC-a verilən məlumata görə, tanker təxminən 2 aydan sonra Bakı buxtasına gətiriləcəkdir. Yükqaldırma qabiliyyəti 13 min ton, uzunluğu 150 metr olan “Koroğlu” gəmisi ikiqat gövdəyə malikdir və beynəlxalq konvensiyaların müasir tələblərinə cavab verir.
“Prezident Heydər Əliyev” tankerinin oxşarı olan növbəti gəminin suya salınması ümummilli liderimiz Heydər Əliyevin müəyyən etdiyi siyasi kursun Prezident İlham Əliyev tərəfindən uğurla davam etdirildiyini bir daha sübut edir. Digər tərəfdən, son 4 ildə ardıcıl olaraq, “Maestro Niyazi”, “Professor Əziz Əliyev”, “Cəlil Məmmədquluzadə”, donanmamızın flaqmanı olan “Prezident Heydər Əliyev”, “Babək”, “Şah İsmayıl Xətai” kimi təzə gəmilərin Rusiya Federasiyasında inşa olunması Rusiya–Azərbaycan iqtisadi əməkdaşlığının sürətlə inkişaf etməsinin bariz nümunəsidir.
Bölmənin digər xəbərləri
