Kosovo Serbiya dövlət nömrə nişanlı avtomobillər üçün əlavə vaxt verib
Belqrad, 1 noyabr, AZƏRTAC
Serbiyanın dövlət nömrə nişanlarının Kosovo avtomobil nömrələri ilə dəyişdirilməsi prosesi üçün verilən müddət uzadılıb.
AZƏRTAC xəbər verir ki, Kosovo hökuməti ölkədə daha çox serblərin yaşadığı qəsəbələrdə Serbiya tərəfindən verilmiş avtomobil nömrələrinin Kosovo dövlət nömrə nişanları ilə dəyişdirilməsi üçün dekabrın 1-dək əlavə müddət verildiyini açıqlayıb. Həmin tarixdən sonra Serbiya tərəfindən verilmiş avtomobil nömrələrinin dəyişdirilməsi, eyni zamanda, bu nəqliyyat vasitələrinin Kosovoya daxil olması və ölkə daxilində hərəkəti mümkün olmayacaq.
Serbiya dövlət nömrə nişanı olan avtomobil sahiblərinə prosesi tamamlamaları üçün müəyyən güzəştlər ediləcəyi bildirilir.
Qeyd edək ki, Kosovoda təxminən 10 minədək qeyri-qanuni dövlət nömrə nişanlı nəqliyyat vasitəsi var.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
