KÜRDƏMİRİN KƏNDLƏRİNDƏ TELEFON RABİTƏSİ YAXŞILAŞDIRILIR
Rayon telekommunikasiya qovşağında AZƏRTAC-ın müxbirinə bildirmişlər ki, təkcə keçən il Şıxımlı kəndində 512 nömrəlik yeni elektron ATS, Çöhranlı kəndində isə 200 nömrəlik ATS tikilib istifadəyə verilmiş, Şilyan, Çöhranlı, Köhünlü, Karrar və Cəyli kənd ATS-lərində beynəlxalq və şəhərlərarası çıxış üçün “NAT” avadanlığı quraşdırılmışdır. Çöhranlı kəndində 20 metrlik antena quraşdırılaraq “Radan-2” avadanlığı istismara buraxılmışdır. Rayon mərkəzi ATS-i ilə yeni tikilən Şıxımlı kənd elektron ATS-ini “FO-4” tipli fibrooptik kabellə birləşdirilən xətt də hazırdır. Habelə, 100 nömrəlik Karrar ATS-i genişləndirilərək 200 nömrəyə, 50 nömrəlik Muğanlı ATS-i isə 100 nömrəyə çatdırılmış, bir sıra kənd ATS-lərinə dizel generatorları qoyulmuş, 40 kilometr məsafədə hava xətləri çəkilmişdir.
Rayonun Sığırlı, Mollakənd, SorSor, Xəlsə, Pirili kəndlərində və Karrar qəsəbəsində “Azercell” və “Bakcell” şirkətlərinin maliyyə dəstəyi ilə antena dayaqları quraşdırılmışdır.
Bölmənin digər xəbərləri
