Litva hərbi infrastrukturun inkişafına 110 milyon avro sərmayə yatıracaq
Bakı, 2 may, AZƏRTAC
Litva büdcəsindən ölkənin şimalındakı Panevezis bölgəsində hərbi infrastrukturun inkişafı layihələrinə 110 milyon avro ayrılacaq.
AZƏRTAC xəbər verir ki, bu barədə Litva Müdafiə Nazirliyinin mətbuat xidməti məlumat yayıb.
“2030-cu ilədək Panevezis rayonunda təxminən 110 milyon avro dəyərində azı 20 hərbi infrastruktur layihəsi həyata keçiriləcək. Müdafiə Nazirliyi sərmayələrin əhəmiyyətli hissəsini Litva Silahlı Qüvvələrinin kral Mendakus adına taborunun infrastrukturunun inkişafına yönəldəcək”, - deyə məlumatda bildirilir.
Nazirlik mövcud hərbi obyektlərin infrastrukturunun modernizə edilməsi ilə yanaşı, Panevezis rayonunda hərbi texnikaya xidmət göstərilməsi və hərbi ehtiyatların saxlanması üçün əlverişli şəraitin yaradılacağını da qeyd edib. Həmçinin vurğulanıb ki, cari ildə ölkə üzrə 200-dən çox hərbi infrastruktur layihəsi həyata keçiriləcək. Bunlar həm Litva, həm də müttəfiq ölkələrin hərbçiləri üçün zəruri layihələrdir.
Bölmənin digər xəbərləri
