Londonda G-7 ölkələrinin XİN başçılarının görüşü başlayıb
Tehran, 3 may, AZƏRTAC
Mayın 3-də Londonda G-7 ölkələrinin xarici işlər nazirlərinin görüşü başlayıb. Mayın 5-dək davam edəcək görüşdə müzakirə olunacaq əsas məsələlərə İranın nüvə proqramı da daxildir.
AZƏRTAC xəbər verir ki, bu barədə Böyük Britaniyanın xarici işlər naziri Dominik Raab bildirib.
O qeyd edib ki, iclasa Böyük Britaniya, ABŞ, Yaponiya, Almaniya, Fransa, Kanada və İtaliyanın xarici işlər nazirləri qatılacaqlar. Hindistan, Avstraliya, Cənubi Koreya və Cənubi Afrika Respublikasının xarici işlər nazirləri isə görüşdə qonaq qismində iştirak edəcəklər.
Tədbirdə İranın nüvə proqramı ilə yanaşı, COVID-19 qarşı mübarizə və digər qlobal problemlər müzakirə olunacaq.
Qeyd edək ki, Rusiya və Çin bu görüşə dəvət almayıb.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
