“LUNVAN” QASIRĞASI ÇİNƏ 150 MİLYON DOLLARLIQ ZİYAN VURMUŞDUR
AZƏRTAC xəbər verir ki, Sinxua agentliyinin yaydığı məlumata görə, Çinin sahilyanı Futszyan əyalətinin məruz qaldığı “Lunvan” qasırğası nəticəsində ölkəyə təqribən 150 milyon dollarlıq ziyan dəymişdir. Təbii fəlakət nəticəsində təxminın 2,5 milyon adam zərər çəkmişdir. Fəlakət rayonundan 537 min adam köçürülmüşdür. Bir neçə min ev dağılmış, kənd təsərrüfatına ciddi ziyan dəymişdir. Aramsız yağışlar və güclü külək əyalətin inzibati mərkəzi Fuçjou şəhərində elektrik xətlərini sıradan çıxarmışdır. Şəhərin bir çox rayonlarını su basmışdır.
“Əjdahalar şahı“ mənasını verən “Lunvan” qasırğası Çinin bir neçə ay ərzində məruz qaldığı sayca 19-cu təbii fəlakətdir. Rəsmi statistikaya görə, əvvəlki 18 qasırğa 188 adamın ölümünə səbəb olmuş, ölkəyə 9 milyard dollarlıq iqtisadi ziyan vurmuşdur.
Bölmənin digər xəbərləri
