Magistraturaya qəbul olunanlar üçün qeydiyyat prosesi uzadılıb
Bakı, 12 avqust, AZƏRTAC
Magistratura səviyyəsinə qəbul olan bakalavrlar təhsil alacaqları ali təhsil müəssisələri üzrə qeydiyyatlarını yalnız “my.gov.az” portalı üzərindən həyata keçirirlər.
Dövlət İmtahan Mərkəzindən AZƏRTAC-a bildirilib ki, qeydiyyat Elm və Təhsil Nazirliyinin müvafiq xidməti “mygov” platformasında istifadəyə verilib. Magistraturaya qəbul olunan bakalavrların qeydiyyat prosesi 13 avqust saat 18:00-dək davam edəcək. Bakalavrlar qeydiyyat üçün əvvəlcə mygov ID (vahid giriş sistemi) vasitəsilə “my.gov.az” portalındakı şəxsi kabinetlərinə daxil olmalıdırlar. Daha sonra portalın “Xidmətlər” bölməsinin “Qurumlar” kateqoriyasından Elm və Təhsil Nazirliyini seçməli və burada təqdim olunan “Ali və orta ixtisas təhsil müəssisələrinə təhsilalanların qeydiyyatı” xidmətinə keçid etməlidirlər.
Qeydiyyatdan keçməyən bakalavrlar qəbul olunanların siyahısından xaric ediləcəklər.
Bölmənin digər xəbərləri
