MAKDERMOTT 2005-Cİ İLDƏ XƏZƏR REGİONU ÜZRƏ ƏN YAXŞI SUBPODRATÇILARI MÜƏYYƏNLƏŞDİRMİŞDİR
AZƏRTAC xəbər verir ki, MakDermott Kaspian Kontraktorz, İnk. (MKKİ) şirkəti özünün ilk təchizatçılar forumunu keçirmişdir. Forumdan başlıca məqsəd MKKİ-nin Azərbaycanda biznes fəaliyyətinin əsas istiqamətlərini yerli təchizatçıların və tədarükçülərin nəzərinə çatdırmaq idi. “2005-ci ilin ən yaxşı təchizatçıları” adına layiq görülən CRC 11, EMM Kaspian Ltd, MAGPI və R&M Kaspian şirkətlərinə MKKİ-nin xüsusi mükafatları təqdim olunmuşdur. Bu təchizatçıların keyfiyyət, təhlükəsizlik texnikası, sağlamlıq və ətraf mühitin mühafizəsi sahələrindəki əməyi xüsusi qeyd edilmiş, onların üzərlərinə düşən vəzifələri davamlı şəkildə yerinə yetirdiyi, avadanlığı sifarişçiyə vaxtında çatdırdığı, MakDermot şirkətinin planına və texniki tələblərinə uyğun fəaliyyət göstərdikləri vurğulanmış, seçim zamanı bu iş göstəricilərinin nəzərə alındığı bildirilmişdir.
Bölmənin digər xəbərləri
