Malayziyanın Bernama xəbər agentliyinin baş direktoru
Nurini Kassim
- 1920-ci il martın 1-də yaradılan Azərbaycan Dövlət İnformasiya Agentliyi - AZƏRTAC-ı 100 illik yubileyi münasibətilə təbrik edirəm. Media mühitinin son illərdə böyük dəyişikliklərə məruz qaldığı bir dövrdə bu, AZƏRTAC-ın əlamətdar nailiyyətidir. Mən şadam ki, Malayziyanın milli xəbər agentliyi Bernama kimi AZƏRTAC da rəqəmsal dövrün çağırışlarına layiqincə cavab verə bilir. 2014-cü ildə xəbər mübadiləsi üçün imzalanan Anlaşma Memorandumundan sonra AZƏRTAC və Bernama güclü və səmimi münasibətlərə malikdir. Ümid edirəm ki, bizi uzun illər boyunca inkişaf edən əməkdaşlıq gözləyir. AZƏRTAC-ın İdarə Heyətinin sədri cənab Aslan Aslanova və AZƏRTAC-da çalışan hər kəsə ən xoş arzularımı çatdırıram.
Bölmənin digər xəbərləri
