Maliyyə Nazirliyinin dövlət istiqrazlarının yerləşdirilməsi üzrə hərrac keçirilib
Bakı, 30 mart, AZƏRTAC
Martın 30-da Bakı Fond Birjasında (BFB) Maliyyə Nazirliyinin AZ0104003873 ISIN kodlu, tədavül müddəti 364 gün olan dövlət istiqrazlarının yerləşdirilməsi üzrə hərrac keçirilib.
Maliyyə Nazirliyindən AZƏRTAC-a bildirilib ki, həmin dövlət istiqrazları üzrə investorlar tərəfindən təqdim edilən sifarişlərin nominal ümumi məbləği 99,1 milyon manat təşkil edib.
Nazirlik tərəfindən 15 milyon manat məbləğində dövlət istiqrazların rəqabətli sifarişlər üzrə orta ölçülmüş qiyməti 94,8235 AZN (gəlirlilik 5,4891 faiz) səviyyəsində müəyyən edilib.
İstiqrazlar 2022-ci il martın 29-da ödəniləcək.
Bölmənin digər xəbərləri
