İDMAN
“Mançester Siti” Lionel Messinin transferi üçün 500 milyon avroluq müqavilə hazırlayır
Bakı, 19 fevral, AZƏRTAC
“Mançester Siti” klubunun rəhbərliyi “Barselona”nın argentinalı hücumçusu Lionel Messinin transferi üçün mümkün variantlar üzərində çalışmaqda davam edir.
AZƏRTAC “Calciomercato.it” nəşrinə istinadla xəbər verir ki, klub “Barselona” ilə müqaviləsinin müddəti bu il iyunun 30-da başa çatacaq Messi ilə səkkiz illik müqavilə imzalamaq niyyətindədir. Argentinalıya bir il uzatma imkanı olacaq iki illik müqavilə layihəsi təklif ediləcək. Bundan sonra o, “City Football Group” şirkətinə məxsus klublardan birində daha iki il oynaya biləcək. Məşhur futbolçunun karyerasının sonunda “Mançester Siti”nin səfiri olacağı nəzərdə tutulur. Müqavilənin ümumi dəyəri 500 milyon avro təşkil edəcək. “Qızıl top”un altıqat qalibinə daha əvvəl 600 milyon avro təklif ediləcəyi düşünülürdü.
MÜƏLLİFLƏ ƏLAQƏ
Bölmənin digər xəbərləri
- 07.05.2024 [17:50]
“Qarabağ”ın sabiq qapıçısı millidəki karyerasını bitirib
- 07.05.2024 [16:50]
Azərbaycanın bədii gimnastı Dünya Kubokunda mübarizə aparacaq
- 07.05.2024 [16:48]
İngiltərə Premyer Liqasında daha bir klubun xalları silinib
- 07.05.2024 [16:22]
“Araz-Naxçıvan” futzal klubu 15 ildən sonra Azərbaycan Kubokunun qalibi olub
- 07.05.2024 [16:14]
Azərbaycanlı güləşçinin oğlu ABŞ-da ötən ilin ən yaxşısı seçilib
- 07.05.2024 [15:23]