“MARAQ VƏ MƏNTİQ” VERİLİŞİNİN 5 İLLİYİ MÜNASİBƏTİLƏ KONFRANS KEÇİRİLMİŞDİR
AZƏRTAC-ın müxbiri xəbər verir ki, Bakı İncəsənət Gimnaziyasında keçirilən konfransda Azərbaycan Televiziyasının “Səhər” musiqili-informasiya proqramının tərkibində “Maraq və Məntiq” verilişinin aparıcıları - fizika-riyaziyyat elmləri doktoru, professor Məlik-Baxış Babayev və Azərbaycanın əməkdar rəssamı Ənvər Qarayev, Azərbaycan Rəssamlar İttifaqının katibi, əməkdar incəsənət xadimi Ağəli İbrahimov, 147 saylı texniki-humanitar litseyin direktoru Həlimə Mehdiyeva və başqaları çıxış edərək insanların əqli və məntiqi düşüncə qabiliyyətinin inkişafında mühüm rol oynayan, yeni təlim metodu kimi meydana gəlmiş bu televiziya verilışinin böyük əhəmiyyətindən söz açmış, yubiley münasibətilə iştirakçıları təbrik etmişlər.
Konfransda 5 il müddətində “Maraq və Məntiq” verilişinin Azərbaycanın bütün regionlarına sirayət etməsi, respublikanın şəhər və kəndlərindən minlərlə məktub alınması, bu günədək ekranda nümayiş olunmuş 256 verilişin hər birinin böyük maraqla qarşılanması təqdirəlayiq hal kimi qeyd olunmuşdur.
”Maraq və Məntiq” verilişinin qaliblərinə və fəal iştirakçılarına konfransın diplomları təqdim olunmuşdur.
Bölmənin digər xəbərləri
