Masallı cüdoçusu Oğuzda keçirilən “Regionların kuboku” açıq birinciliyində bürünc medal qazanıb
Masallı, 2 aprel, Bağır Əliyev, AZƏRTAC
Oğuz Olimpiya İdman Kompleksində 2005-2007-ci il təvəllüdlü oğlanlar arasında keçirilən cüdo üzrə “Regionların kuboku” açıq birinciliyi başa çatıb.
AZƏRTAC-ın bölgə müxbiri xəbər verir ki, Gənclər və İdman Nazirliyinin, Cüdo Federasiyasının birgə təşkilatçılığı ilə keçirilən birincilikdə ölkəmizi, həmçinin Gürcüstan və İranı təmsil edən 37 komandanın 350-dən çox idmançısı on bir çəki dərəcəsində qələbə uğrunda mübarizə aparıb.
İki gün davam edən yarışda Masallı Rayon Gənclər və İdman İdarəsi nəzdindəki Uşaq Gənclər İdman Məktəbinin yetirmələri 6 nəfərlik heyətlə təmsil olunub.
Açıq birincilikdə Masallı idmançısı Elman Abışov 66 kiloqram çəki dərəcəsində üçüncü yeri tutaraq bürünc medal qazanıb.
Bölmənin digər xəbərləri
