MASALLI RAYONUNUN İDMANÇILARI DÜNYA KOBUKU YARIŞLARINDA ÜÇ QIZIL VƏ BİR BÜRÜNC MEDAL QAZANMIŞLAR
Masallı, 30 iyun (AZƏRTAC). Masallı rayonunun idmançıları Ukraynanın Berdyansk şəhərində karatenin sindo-RYU və pensak-silat növləri üzrə keçirilən Dünya kuboku yarışlarında üç qızıl və bir bürünc medal qazanmışlar.
Dünyanın 16 ölkəsindən 500-dək idmançının iştirak etdiyi birincilikdə Azərbaycanın yığma komandası 18 qızıl, 29 gümüş və bürünc medal qazanaraq Dünya kubokuna sahib olmuşdur.
Respublikamızın yığma komandasının tərkibində çıxış edən Masallı rayonunun idmançılarından Ramik Məmmədov, Minnər Mehrabov, Mirzəhüseyn Hadıyev qızıl, Kənan Ayazzadə isə bürünc medala layiq görülmüşlər.
Hazırda Masallı rayonunun 5 idmançısı respublika yığma komandasının tərkibində avqustda keçiriləcək beynəlxalq turnirə hazırlaşır.
Bölmənin digər xəbərləri
