MASALLIDA QARŞIDA DURAN VƏZİFƏLƏR MÜZAKİRƏ EDİLMİŞDİR
AZƏRTAC-ın müxbiri xəbər verir ki, Masallı Rayon İcra Hakimiyyətində keçirilmiş iclasda 2004-cü ilin yekunları və 2005-ci ildə qarşıda duran vəzifələr müzakirə edilmişdir.
İclasda çıxış edənlər 2004-cü ildə rayonun ictimai-siyasi, iqtisadi və sosial-mədəni həyatında qazanılan uğurlardan, əldə olunan nailiyyətlərdən ətraflı söhbət açaraq qeyd etmişlər ki, xalqımız prezident seçkilərində ulu öndərimiz Heydər Əliyevin siyasi xəttinin layiqli davamçısı İlham Əliyevə səs verməklə qurub-yaratmaq əzmini, dövlətçiliyimizə olan sədaqətini bir daha nümayiş etdirdi.
Müzakərələrdə həmçinin, yol verilmiş nöqsanlar, mövcud problemlər də ətraflı təhlil edilmiş və onların aradan qaldırılması yolları müəyyən edilmişdir.
Toplantıda Prezident İlham Əliyevə müraciət qəbul edilmişdir.
