Masallıda səyyar gübrə satışında 30-a yaxın vətəndaş 70 faiz güzəştdən yararlanıb
Bakı, 12 aprel, AZƏRTAC
Masallıda azot gübrəsinin güzəştli şərtlərlə səyyar satışı keçirilib.
Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildiriblər ki, fevral ayından etibarən “Aqrolizinq” Açıq Səhmdar Cəmiyyəti tərəfindən rayon mərkəzindən uzaq məsafədə yerləşən kəndlərdə mövsüm başa çatmamış azot gübrəsinin güzəştli şərtlərlə səyyar satışına başlanılıb.
Aprelin 12-də Masallının Həsənli kəndində keçirilən satışda 30-a yaxın vətəndaşa 13 ton azot gübrəsi satılıb.
Səyyar satış zamanı vətəndaşlar tələb olunan sənədləri təqdim etməklə 70 faiz güzəştdən yararlanaraq mineral gübrə alıblar.
Bölmənin digər xəbərləri
