Maya Sandu: Moldovada normal idarəçilik üçün növbədənkənar parlament seçkilərinin keçirilməsi labüddür
Kişineu, 30 aprel, AZƏRTAC
Moldova Prezidenti Maya Sandu ölkədə normal idarəçilik üçün növbədənkənar parlament seçkilərin keçirilməsini vacib sayır.
AZƏRTAC yerli mətbuata istinadla xəbər verir ki, Maya Sandunun sözlərinə görə, Moldovada parlament seçkiləri nə qədər tez keçirilsə, ölkədə sabitlik o qədər tez bərpa olunar, yeni hökumət xalq üçün norma fəaliyyəti həyata keçirər.
“Seçkilərə hazırlıq qanunla müəyyən olunmuş vaxtda başladı. Eyni zamanda, ölkədəki xaos vəziyyətinə son qoymaq niyyətindəyik”, - deyə Sandu əlavə edib.
Qeyd edək ki, Maya Sandu ölkə parlamentini buraxaraq Moldovada iyulun 11-də növbədənkənar parlament seçkilərinin keçirilməsi barədə qərar verib.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
