MAYYA HİNDİLƏRİNİN NADİR ƏŞYALARI VƏTƏNƏ QAYTARILDI
AZƏRTAC-ın İTAR-TASS agentliyindən aldığı xəbərdə deyilir ki, mayya hindilərinin Nyu-Yorkdakı Dünya Ticarət Mərkəzinin binalarından birində saxlanan və 2001-ci ilin 11 sentyabr hadisələrindən sonra sanki möcüzə sayəsində salamat qalmış nadir əşyaları Qvatemalaya qaytarılmışdır.
Bu Mərkəzi Amerika ölkəsindən oğurlanmış və eramızın 250-900-cu illərinə aid edilən arxeoloji əşyalar 6 il əvvəl Mayami hava limanında amerikalı ər-arvaddan müsadirə olunmuş, Dünya Ticarət Mərkəzində yerləşən gömrükxanaya göndərilmişdi. Burada onlar odadavamlı seyfdə saxlanmışdır. Məhz buna görə də həmin əşyalar 11 sentyabr hadisələri zamanı xarab olmamışdır.
Bölmənin digər xəbərləri
