MƏDƏNİYYƏT MƏRKƏZİNDƏ BAYRAM
Azərbaycandakı Rus icması nəzdində fəaliyyət göstərən Rus mədəniyyəti mərkəzində keçirilən Bahar bayramının çoxsaylı iştirakçıları Rusiyanın ölkəmizdəki səfirinin xanımı Tatyana Ryabovanı mehribanlıqla qarşılamışlar. Əziz qonaq adət üzrə, bayrama əliboş gəlməmişdi: o, Mərkəzə orijinal nəşrlərdən - rəngarəng şəkilli uşaq ensiklopediyasından, Rusiyanın tarixi və mədəniyyəti haqqında kitablardan, tanınmış rəssamların albomlarından və bir çox digər nəşrlərdən ibarət gözəl bir kitabxana hədiyyə etmişdir.
30-a yaxın dərnəyin fəaliyyət göstərdiyi mərkəz üzvlərinin də qonağa deməyə sözü çox idi. Buradakı “Versaçe po-russki” modalar evinin ustaları özlərinin yeni orijinal işlərini nümayiş etdirmişlər. “Korablik” xoru, “Nejnost” rəqs ansamblı, digər özfəaliyyət artistləri rus, Azərbaycan mahnı və rəqsləri daxil edilmiş konsert proqramı ilə çıxış etmişlər.
Bölmənin digər xəbərləri
