Media: Qərb Hindistanın “Qərb-2025” təlimlərində iştirakından narahatdır
Bakı, 16 sentyabr, AZƏRTAC
Hindistan Silahlı Qüvvələrinin Rusiya və Belarusun birgə keçirdiyi “Qərb-2025” adlı strateji hərbi təlimlərdə iştirakı Qərbdə ciddi narahatlıq doğurub.
AZƏRTAC xəbər verir ki, “The Times” qəzetinin məlumatına görə, sentyabrın 10-da Hindistan Müdafiə Nazirliyi 65 hərbçisinin “Qərb-2025” hərbi təlimlərində iştirak edəcəyini açıqlayıb.
Qərb analitiklərinin fikrincə, Rusiya ilə NATO arasında gərginliyin artdığı bir dövrdə Hindistanın təlimlərə hərbçi göndərməsi narahatedici siqnal kimi qiymətləndirilir. “ABŞ ilə Hindistan arasında münasibətlərin soyuduğu bir vaxtda, Dehlinin “Qərb-2025” təlimlərində aktiv iştirakı bu ölkənin təhlükəsizlik sahəsində Vaşinqtonla gələcək əməkdaşlıq perspektivləri baxımından narahatlıq doğurur”, - deyə nəşr yazır.
Qeyd edək ki, Rusiya və Belarus Silahlı Qüvvələrinin birgə keçirdiyi “Qərb-2025” hərbi təlimləri sentyabrın 12-də başlayıb. Manevrlər iki ölkə arasında 2025-ci il üzrə hərbi əməkdaşlığın yekun mərhələsi hesab olunur.
Bölmənin digər xəbərləri
