Məhkəmə Paşinyanın oğlunu qaçırmaqda ittiham olunan şəxsə 4 il şərti iş kəsib
Bakı, 9 iyun, AZƏRTAC
İrəvan ədliyyəsinin ümumi məhkəməsi Ermənistanın baş naziri Nikol Paşinyanın oğlu Aşotun qaçırılmasında ittiham olunan Qayane Akopyana dörd il şərti iş kəsib.
AZƏRTAC xəbər verir ki, məhkəmə iclası yerli portallar tərəfindən canlı yayımlanıb.
Xatırladaq ki, mayın 18-də Nazirlər Kabineti rəhbərinin ailəsinə məxsus “Erməni zamanı” qəzeti Qarabağda həlak olan erməni əsgərlərinin ailə üzvlərinin daxil olduğu “Övladların harayı” təşkilatının Nikol Paşinyanın oğlunu qaçırmağa cəhd etdiyini yazıb. Nəşrin məlumatına görə, cinayətkarlar Aşotu avtomobilə əyləşməyə məcbur etsə də, o, dayanacaqda qaçmağa müvəffəq olub. Ermənistan İstintaq Komitəsi faktla bağlı insan oğurluğu maddəsi ilə cinayət işi açıb.
Bölmənin digər xəbərləri
